ქართული ბლოგინგის დღეები 2011

გუშინ დაღლ-დაქანცული დავბრუნდი კვარიათიდან, სადაც ეკონომიკის სამინისტროს მხარდაჭერით 17-იდან 19 ივნისამდე მიმდინარეობდა ქართული ბლოგინგის დღეები 2011. განრიგი ასეთი იყო:

პარასკევი

09:00 – 09:30- შეკრება, გამგზავრება
09:30 – 16:30 – გზა.
16:30 – 17:30 – დაბინავება
18:00 – 19:00 სადილი
19:00 – 20:00 შეხვედრა, გაცნობა, განახლებული სარფის საბაჟოს დათვალიერება.
20:00 -თავისუფალი დრო

შაბათი

08:30- 09:30 – საუზმე
10:00 – 12:00 – კონფერენცია, პროექტების პრეზენტაცია.
12:00 12-30 – შესვენება
12:30 – 14:00 – კონფერენცია, პროექტების პრეზენტაცია (გაგრძელება)
14:00 – 15:00 – სადილი
15:00 – 16:00 – შეჯამება / სიგელების გადაცემის ცერემონია.
16:00 – 18:00 – თავისუფალი დრო
18:30 – 19:30 ბათუმში გამგზავრება
19:30 – ავტობუსთან შეკრება ძველ ბულვარში, იუსტიციის სახლთან გამგზავრება
20:00 – 21:00 იუსტიციის სახლის პრეზენტაცია
21:00 – აჭარის ტურიზმის დეპარტამენტთან შეხვედრა (ვახშამი აჭარის მთავრობის სახელით)

კვირა

08:30 – 9:30 – საუზმე
9:30 – გამგზავრება მაღალმთიან აჭარაში, მაღალმთიან აჭარაში დამზადებული ღვინის დეგუსტაცია, ფოლკლორული ტრადიციები, უნიკალური ბუნება (სადილი რესტორანში)
17:00 – თბილისში გამგზავრება.

მიუხედავად გაწერილი გრაფიკისა რამდენიმე ბლოგერმა და მათ შორის მეც ვერ მოვახერხეთ 17-ში დილით გამგზავრება, ამიტომ ჩვენთვის გამოიყო დამატებითი სამარშუტო ტაქსი. საღამოს 8 საათზე დავიძარით კვარიათისკენ. გზა საკმაოდ გრძელი აღმოჩნდა, რადგან ძალიან ბევრჯერ გავჩერდით ჩვენი თუ მძღოლის მიზეზის გამო. ბევრი რომ არ ვილაპარაკო, დანიშნულ პუნქტზე 4 საათზე ჩავედით.

ადვილი მისახვედრია, რომ მთელი პარასკევის გეგმები გავმაზე(თ). ამ დღის ერთ-ერთი მთავარი შენადგენელი ნაწილი კი სარფის ახალი საბაჟოს დათვალიერება იყო. რადგანაც იქ არ გახლიდით, შეუძლებელია მისი განხივლვა დავწერო, თუმც შეგიძლიათ ლიტერატორის პოსტი ნახოთ ამის შესახებ.

გამთენიას ჩასულს და მთელი გზის უძინარს ძილი მერეოდა, მომერში ავედი თუ არა იმწამსვე ჩამეძინა. მეორე დღე საუზმით დაიწყო, შემდეგ კი დაგეგმილი კონფერენცია მოჰყვა, რომელზეც სათითაოდ ყველა ბლოგერმა ჩვენი თემების პრეზენტაცია წარვადგინეთ. საბოლოოდ კი ყველამ სიგელები მივიღეთ. თუ ვინმეს გაინტერესებთ ჩემი პრეზენტაცია შეგიძლიათ იხილოთ აქ: Scribd.com - GBD: Head

პრეზენტაციების დასრულების შემდეგ თავისუფალი დრო გვქონდა, რის შემდეგაც ბათუმში ახლად აშენებული იუსტიციის სახლს უნდა დაგვეთვალიერებინა. შესვენებისას მე და ერთ-ერთ ბლოგერს ჩაგვეძინა, რამდენადაც გასაკვირი არ უნდა იყოს არავინ არ დაგვირეკა და ჩვენს გარეშე წავიდნენ, ამიტომ ესეც გავმაზე(თ). მიუხედავად ამისა ჩვენთვის გამოაგზავნეს მანქანა და დაგეგმილი ვახშამზე წაგვიყვანეს.

ამასობაში მოვიდა კვირა. ჩვენი გეგმები შემდეგი იყო: მაღალმთიან აჟარაში გამგზავრება, მაღალმთიან აჭარაში დამზადებული ღვინის დეგუსტაცია, სადილი რესტორანში და თბილისში გამომგზავრება. საქმე ის არის, რომ წინა დღეს წვიმდა და მაღალთიან აჭარაში წასვლა თითქმის არცერთ ბლოგერს არ სურდა. მიუხედავად ბევრი წუწუნისა ყველას წასწვლა მოუწია, გარდა ჩემი და კიდევ ორი ბლოგერისა. არ ვიცი დანარჩენება რა ქნეს იქ, მაგრამ ის კი კარგად ვიცი, რომ ჩვენ ბათუმში ჩავედით, გავიარეთ ლიტერატურულ კაფეში, ბულვარში, etc. და 6 საათისთვის თბილისისკენ გამოვემგზავრეთ.

როგორც ვიცოდით რიკოთი დაკეტილი იყო და შემოვლითი გზით უნდა წამოვსულიყავით. ყველაზე საინტერესო ის არის, რომ შემოვილითი გზით წამოსვლისას შეგხვდა აბრა, რომელიც მიანიშნებდა რომ კიდევ ერთი შემოვლითი გზით უნდა წამოვსულიყავით. ფაქტობრივად შემოვლითი გზის შემოვლითი გზით წამოვედით. ასე თუ ისე ჩვენ თბილისში 12 საათზე ჩამოვედით. ამავროულად საინტერესოა რა ქნეს დანარჩენა ბლოგერებმა. გზაში მუდამ გვქონდა კონტაქტი და გამოვარკვიეთ, რომ მათ ავტობუსს ბორბალი გაუსკდა, რის გამოც სამტრედიაში გაჩერდნენ საათზე მეტი და 11-ისთვის თბილისისკენ გამოემგზავრნენ, ხოლო დედაქალქაში გამთენიას 7 საათზე ჩამოვიდნენ. აქვე მინდა დაურთო ვიდეო, რომელიც ზურიუსმა გააკეთა: გადარჩენილნი.

ქართული ბლოგინგის დღეები 2011-ის მთლიანი შეჯამება რომ გავაკეთო ჩემი გადმოსახედიდან იყო ნაწილობრივ საიტერესო, თუმც ყველა დაგეგმილი ღონისძიება გავმაზე(თ). რაც ყველაზე მთავარია, გამიხარდა რომ თბილისს მოვშორდი რამდენიმე დღით და ამაში ფული საერთოდ არ დამხარჯვია, თუ არ ჩავთბლით ბოლო დღეს სამარშუტო ტაქსით წამოსვლის გადასახადს, რომლის გადახდაც ნამდვილად ღირდა.